«Қазақ тілі» лингвистикалық алаңы

Оқушылардың жазғы демалыс кезінде бос уақытын тиімді ұйымдастыру үшін, мектептен алған білімдерін ұмытып қалмауға жәрдем жасау үшін 5.06.2023 жылы Атбасар қаласындағы жалпы орта  білім беретін №1 мектебінде қазақ тілі мен әдебиеті пәнінен лингвистикалық алаңы өзінің жұмысын бастады.
Жұмыс барысында мұғалім жаңа технологияны қолдана отырып оқушылардың логикалық ойлау қабілетін дамытты. Бүгінгі сабақта балалар лингвистика алаңының жоспарымен, мақсат-міндеттерімен танысты. Мемлекеттік тіл жайлы әңгімелесіп, «Менің тілім-мемлекеттік тіл» атты пікірталас ұйымдастырылды. Мұнда балалар қазақ тілінің кешегісі, бүгінгісі, болашағы туралы өздерінің ойларымен бөлісті.
 
«Қазақ тілі» лингвистикалық алаңының мақсат – міндеттері:
 
 Оқушылардың қазақ тіліне деген қызығушылықтарын көтеру;
 Қазақ тілінің ұлттық ерекшеліктерін ұғындырып, қазақ халқының салт-дәстүрлерін дәріптеу;
 Қазақ тілінен алған білімдерін тереңдету, теорияны практикада пайдалана алу дағдыларын дамыту;
 Шығамашылық қабілеттерінің ашылуына көмек беру;
 Жазғы демалыс уақыттарын тиімді пайдалану; 
 Демалыс кезінде мектептен алған білімдерін ұмытып қалмауға жәрдем жасау;
 Әрбір баланың шығармашылық, қызығушылық, белсенділігін дамыту;
 Мұражай және т.б. демалыс орындарына саяхат жасау арқылы, Отанға, табиғатқа, рухани-адамгершілік құндылықтарды игере білуге жағдай жасау;
                                                    Күтілетін нәтиже:
 Балалар жазғы демалыс кезінде сабақтан тыс материалдарды қолданады;
 Жаңаша көңілмен демалады, өзіне күш жігер жинап, білімін арттырады;
 Басқа да балалармен қарым-қатынас жасайды, сыни ойлау қабілеті дамиды, жаңаша ақпаратпен толықтыруына жағдай жасалады.