Дене шынықтыру сабағы

Дене тәрбиесі жалпы білім беретін мектептердің барлық сыныптарында оқу жоспарында қарастырылған оқу пәні болып табылады. Пәннің мазмұны мемлекеттік бағдарламамен реттеліп, дене шынықтыру сабақтарында практика жүзеге асырылуда. Дене шынықтыру сабағы – мектеп оқушыларының барлығын міндетті түрде қамтитын оқыту түрі.Сабақтар берілген сыныптағы оқушылардың белгілі тұрақты құрамымен жүргізіледі. Бұл оқушылардың нақты жағдайлары мен дене дайындығын ескере отырып, сабақтарды жақсы ұйымдастыруға және өткізуге мүмкіндік береді. Аграрлық-индустриалды колледжде дене шынықтыру сабақтары қазіргі таңда бекітілген кесте бойынша аптаның белгілі күндері мен уақытында өтуде. Дене шынықтыру сабақтары оқушылардың денесіне әсер ететін қозғалыс жаттығуларының алуан түрлілігімен ерекшеленеді. Сондықтан мұнда басқа жерлерден гөрі оқушылар ға жеке көзқараспен қарау керек.