«Балдаурен»

Қыс – бұл тек аяз бен қысқа күндер ғана емес, сонымен қатар жүрекке жылу сыйлайтын, есте қаларлық ерекше сәттерге толы мезгіл. Осындай оқиғалардың бірі – Қонаев қаласында орналасқан «Балдаурен» балалар сауықтыру лагеріне барған сапарым болды. Бұл сапар мен үшін шын мәнінде ерекше әрі ұмытылмас әсер қалдырды.
«Балдаурен» лагері менің жадымда ең жарқын әрі жылы естеліктермен сақталды. Бұл – әр күні қызықты іс-шараларға, мазмұнды бағдарламаларға, шынайы қарым-қатынас пен жаңа білімге толы мекен. Мұнда әр баланың жан-жақты дамуына, өзін-өзі көрсетуіне және шығармашылық әлеуетін ашуына барлық жағдай жасалған.
Лагерьде достық, қолдау және жайлы атмосфера орнаған. Алғашқы күннен бастап өзіңді үлкен әрі ұйымшыл ұжымның бір бөлігі ретінде сезінесің. Осындай мейірімді ортада айналаңдағы адамдармен тез тіл табысып, жаңа достар тауып, жаңа нәрселерді үйрену оңай болды. Әрбір іс-шара қуаныш пен жағымды эмоциялар сыйлап, өзіме деген сенімділігімді арттырды.
Мен үшін әртүрлі өңірлерден келген құрдастарыммен араласу, тәжірибе алмасу және командада бірлесіп жұмыс істеу ерекше құнды болды. Бұл сәттер мені ашық, өзгелерге жанашыр, өз мүмкіндігіме сенімді болуға үйретті.
Атбасар ауданы білім бөлімінің басшысы Наймушина Н.Г.-ға «Балдаурен» лагерінде демалуға мүмкіндік бергені үшін шынайы алғысымды білдіремін. Көрсеткен сеніміңіз, қамқорлығыңыз бен қолдауыңыз үшін үлкен рақмет. Сіздің арқаңызда мен баға жетпес өмірлік тәжірибе, жарқын әсерлер мен ұзақ жылдарға сақталатын естеліктерге ие болдым.
Массон Полина,
Атбасар қаласындағы №1 жалпы білім беретін мектептің
10 «Б» сынып оқушысы.