Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Жасыл белдеу бағдарламасы және...
Текст
«Акмола облысы білім басқармасының Атбасар ауданы бойынша білім бөлімі Атбасар қаласының №1 жалпы орта білім беретін мектебі»
Коммунальное государственное учреждение «Общеобразовательная школа № 1 города Атбасар отдела образования по Атбасарскому району управления образования Акмолинской области»
Сабақтың тақырыбы: Қыс мезгілінің таңғажайыптары
18.11.2019
Сабақтың мақсаты: Қыс мезгілі туралы балалардың түсінігін кеңейту,қыс мезгілінің ерекшеліктерін түсіндіру. Қыс мезгіліне деген қызығушылығын арттыру,тілдерін дамыту,ой-өрісін кеңейту.
Көрнекіліктер: Қыс мезгілін бейнелейтін табиғат көріністері,аққала соғып жатқан балалардың суреті, табиғат бұрышы.
Ұйымдастыру кезеңі.Балалар шаттық шеңберіне тұрады.
Жас ұланмын шыныққан
Жасқанбаймын суықтан.
Қардан жасап аққала,
Сырғанаймыз шаттана.
Жаңа сабақ.
-Балалар қыс мезгілінің басқа жыл мезгілінен ерекшелігі қандай?
-Адамдар қыста қалай киінеді?
-Қыс мезгілі сендерге несімен ұнайды?
Жұмбақтың шешуін табайық.
Шанамен зырлап желетін,
Шанғы коньки тебетін,
Аққала жасап ойнайтын,
Қай мезгіл деп ойлайсың? (Қыс мезгілі)
Қыста ғана болады,
ұстасаң қолың тоңады. (Қар)
Шелек қалпақ басында,
Сәбіз екен танауы.
Қыста қардан тұратын
Тауып көрші сен оны. (Аққала)
Қолы жоқ сурет салады,
Тісі жоқ тістеп алады. (Аяз)
Қанаты жоқ ұшады,
Аяғы жоқ жетеді,
Аузы жоқ ұлиды. (Боран)
Сергіту сәті:
Аула сырты,баққа да
Тұрғызамыз аққала
Аққаланы айналып,
Би билейміз шаттана.
Дидактикалық ойын:"Аққала құрастыр"
Ойын шарты:Балалар екі топқа бөлінеді.Әртүрлі қиып дайындалған геометриялық қиындылардан аққала құрастыру керек.
Сабақты қорыту.
-Қыс мезгілі жайлы жаттаған тақпақтарыңды айтып беріңдер?
Балалар:
Боран соғар оң жақтан,
Боран соғар сол жақтан.
Қар лақтырып ойнасақ,
Су өтеді қолғаптан.
Жүріңдер балалар,
Сырғанақ тебеміз.
Құрыспай,құрыштай
Шынықсын денеміз.
Сырғанаққа мығымбыз,
Шыныққанбыз,шымырмыз.
Таудан төмен сырғанап,
Біз тебеміз сырғанақ.
Ішік, пима,қолғаптар,
Арада жоқ тоңғақтар.
Баста қалың малақай,
Біз тоңбаймыз,алақай.
Сабақты қорыту.
-Қыс мезгілі сендерге ұнай ма?
-Қыста ойнайтын қандай ойындарды білесіңдер?
-Жарайсыңдар балалар.(Балаларды мақтап-мадақтау)
Камисс М
Просмотров: 1266