АБАЙ КҮНІ

Тамыздың 23 күні аудандық орталық кітапханада 10 тамыз «АБАЙ КҮНІ»  аясында 5-7 сынып оқушыларымен «Абай-ұлы ақын,асыл сөздің зергері» атты  танымдық іс-шара өткізілді.           Мақсаты– Ұлы ақынның өнегелі өмірімен таныстыру, ақынның даналығын, рухани асыл мұраларын насихаттап, өлеңдерін, әндерін мәнерлеп айтқызу. Көркем сөйлеуге , өз бетімен іздене білуге , шығармашылықпен жұмыс істеуге көмектесу.Аудандық орталық кітапхана қызметкерлері Абай шығармаларынан кең ауқымды көрме ұйымдастырды.

     Танымдық іс-шарада оқушыларға Абай Құнанбаевтың өмірі мен шығармашылығынан бейнематериал көрсетілді.Оқушылар Абайдың өлеңдерін мәнерлеп оқыды. Сонымен қатар «Құрбақа» зияткерлік ойыны өткізілді. Ойынға балалар өте белсенді қатысып,сұрақтарға шапшаң,тапқыр жауап берді.Іс-шара соңында Абайдың «Көзімнің қарасы» әнін барлық қатысушылар бірігіп орындады. Қатысқан оқушыларға белсене қатысқандары үшін мақтау қағаздары берілді.№1жалпы орта білім беретін мектебі мұғалімдері атынан аудандық кітапхана ұжымына кітаптар көрмесін ұйымдастырғаны  үшін алғыс білдіреміз!