«Балдаурен»

Менің атым Коновалова Варвара.Мен Ақмола облысы білім басқармасының Атбасар ауданы бойынша білім бөлімінің «Атбасар қаласының №1 жалпы орта білім беретін мектебі» КММ-нің оқушысымын. 8–28 қаңтар аралығында мен республикалық «Балдаурен» орталығында ұмытылмас уақыт өткіздім. Бұл демалыс мен үшін ерекше болды. Әр күнім қызықты,мазмұнды және бір-біріне ұқсамай өтті. Біз түрлі ойындар ойнап,байқауларға,шығармашылық және спорттық іс-шараларға қатыстық,жаңа нәрселер үйреніп,көңілді уақыт өткіздік.«Балдауренде» мен әртүрлі қалалардан келген көптеген жаңа достар таптым,олармен әлі күнге дейін байланыс жасап жүрмін. Лагерьдегі жылы әрі достық атмосфераны ерекше атап өткім келеді.Тәрбиешілер өте мейірімді,қамқор және зейінді болды.Олар бізді әрдайым қолдап,қиын сәттерде көмектесіп,әр баланың өзін үйіндегідей сезінуіне жағдай жасады. Лагерь өміріне белсене қатысқаным,бастамашылдығым және патриоттық қасиеттерімді көрсеткенім үшін «Жас патриот» марапатымен марапатталғаным мен үшін ерекше қуаныш әрі үлкен маңызға ие болды.Бұл марапат мен үшін үлкен абырой және алдағы уақытта одан да белсенді болып, жаңа жетістіктерге ұмтылуға, өз Отанымды әрдайым сүюге үлкен мотивация берді. Атбасар ауданының білім бөлімінің басшысы Наймушина Н. Г.-ге осындай тамаша жерде демалуға, жаңа адамдармен танысуға және ұзақ уақытқа сақталатын жарқын әрі жылы естеліктер алуға мүмкіндік жасағаны үшін зор алғысымды білдіремін. Сондай-ақ мектебіміздің директоры Бекова Любовь Герихановнаға оқушыларға көрсеткен қолдауы,назары мен қамқорлығы үшін шынайы алғысымды айтамын. Оның қолдауы мен жанашырлығының арқасында мен республикалық «Балдаурен» орталығында болып,құнды тәжірибе,жаңа білім және ұмытылмас әсер алдым.