Педагогтың кәсіби құзыреттілігін жетілдіру

Бүгінгі күні білім беру мазмұнының жаңартылуы жан-жақты дамыған тұлғаны оқыту мен тәрбиелеудің үшін аса өзекті шарты болып отыр. Өмір бойы оқып, білім алуға қабілетті жаңа форматтағы мұғалім  бәсекеге қабілетті жастардың  қалыптасу шартына айналды. Осы орайда, құзыретті  педагогтарды дайындау тиімді әрі жүйелі жұмысты талап етеді.  
11 мамыр күні «Атбасар ауданының білім бөлімінің Атбасар қаласы №2 орта мектебі» КММде Көкшетау қ. Педагогичкалық Шеберлік Орталығының ұйымдастыруымен жаңартылған білім  мазмұны бойынша, семинар-тренинг  өткізілді. №1 ОМ педагогтары аталмыш шараға  белсенді қатысты. 
Семинар жұмысы пәндік секциялар бойынша ұйымдастырылып, онда  Назарбаев Зияткерлік мектебінің оқытушылары жаңартылған білім беру мазмұнын енгізу, оқушылардың түрлі деңгейдегі оқу жетістіктерін бағалау, оқытудың белсенді әдістерін қолдану, заманауи талаптар шеңберінде  педагогтардың кәсіби құзыреттіліктерін арттыру  мәселесі бойынша ақпараттармен бөлісті. Семинар барысында  педагогтар шағын топтарда жұмыс жасап, тапсырмаларды талқылап, орындады. Семинар-тренинг  мультимедиялық  презентациялар мен  үлестірме  материалдарды пайдалана отырып өткізілді. Рефлексия кезінде шараға  қатысушылар  осындай семинарлардың қажеттілігін атап өтті. 

Щербак А.Н.